الرئيسية » مقالات » د/ روان محمد على تكتب …….. المسكنات والفشل الكلوي وجهان لعمله واحده

د/ روان محمد على تكتب …….. المسكنات والفشل الكلوي وجهان لعمله واحده

د/ روان محمد على تكتب …المسكنات والفشل الكلوي وجهان لعمله واحده

يمكن دي اول مره اقرر اكتب موضوع باللغه العاميه لاني عيزاه يوصل لاكبر طبقه من الناس مش شريحه معينه وده لخطوره الموضوع مش هبالغ لو قلت ده كارثه الموضوع كله بيتلخص في المسكنات الي المصريين كلهم بيتعاملوا معاها علي انها مسكن اللام ومعالج لحالات البرد وخافض للحراره وقد يصل في بعض الاحيان لقاتل للبكتريا والفريوسات والصدااع ورد المطلقه وجلب الحبيب ولا الشيخه خديجه المغربيه !! والمشكله ان عندنا مفهوم غلط جدا ان المسكنات دي ملهاش جرعه ولا عدد ايام معين تتاخد فيه وده غلط وكارثه تانيه يعني مثلا اسبرين الاطفال الي هو اصلا اسمه كدا بس هو مش للاطفال خالص جرب مره تشتري علبه اسبرين وتقرا التحذير الي عليها من الخلف ( يمنع اعطاؤه للأطفال ) وتم تسميته كدا لأسباب علمية اخرى الاسبرين والبارا سيتامول والبروفين وغيرهم كتير من المسكنات كلها بتشتغل علي ميكانزم او اكتر الهدف منها تقليل ماده اسمها prostaglandin الماده دي المسؤله عن نقل الشعور بالالم من المخ للجسم وبالتالي لما انت تاخد المسكن والماده دي تقل مش هتحس بالالم بس كمان انت معالجتش السبب الرئيسي يعني المسبب مازال موجود وبرضو استخدامك للمسكن مازال مستمر طيب ايه المشكله هنا الالم قل واحنا بنتحسن لا الكارثة بقا كمان الي متعرفهوش عن الماده دي ان هي مسؤوله عن توسيع الاوعيه الدمويه الي الدم منها هيروح لمختلف الاعضاء واولهم الكلي لما الاوعيه دي تقل او تصغر والدم الي رايح للكلي يقل ايه المتوقع اول حاجه هتحصل خلل في وظائف الكلي وبعدها علي طول الفشل الكلوي ده اذا محصلش فشل كلوي علي طول نتيجه للجرعه الكبيره من المسكنات كتير من الحالات الي في معاهد الكلي او مستشفيات الطوارئ اتشخصت فشل كلوي بعد حقنتين فولتارين وده لان النوع ده من المسكنات بالذات الناس بتوع bio chemistry سجلوا عليه مخالفات واضرار كتير جداا هو اتسحب من معظم دول العالم ولكن مازال يباع في صيدلايات مصر حتي الان الافضل نتعامل مع المسكنات دي بحذر اكبر من كدا مش كل صداع او دور برد يستاهل نخلص عليه شرايط مسكنات ولو اتوصفتلك عن طريق دكتور يبقي الافضل تمشي تبع الجرعه الي موصوفه بالظبط عشان متبقاش بتدفع ضرر بضرر اكبر منه شفانا الله وعافنا جميعا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *