الرئيسية » أراء حرة » برسوم رومانى يكتب : ابن الاصول …………………………………………..

برسوم رومانى يكتب : ابن الاصول …………………………………………..

 ابويا قلي حكمه زمان الصاحب الندل لا تعاشره ولا تديله الامان اصل ده في وعده كداب والغلط في كلامه ملهوش عتاب متتعبش نفسك وياه خليك بعيد عنه وفي الغلط متبقاش معاه وخدها مني يا ابني نصيحه بكره المستخبي يبان وتبقا فضيحه مترضهوش في الغلط علي بنات الناس اصله ده ندل ومعندهوش احساس وبنات الناس يا ابني مش حكايه ولا حدوته تتقال في سهرايه كل الي هتقوله هيترض في اخواتك وعندك امك ومراتك وعماتك احذر من الغلط في الكلام متبقاش جاهل وخليك راجل علام اصلك يا ابني ابن اصول وخليك في كلامك دغري علي طول والي يغلط فيك سامحه يا ابني وقله ربنا يهديك ومتردش الغلط بالغلط كلمتك الوحشه في وشوش الناس زي الزلط واتعلم يا ابني حجتين ملخص حياتي مش حكايه يومين الاوله محدش احسن منك والتانيه انك مش احسن من حد خليك علي الحق ومتخفش ولو شهدوك زور قول معرفش واياك واللعب بالشرف ده حرام لكل ظالم يوم وهيجله انتقام خاف ربك في اهل بيتك واشكره علي ذاتك وخليك بعيشتك وحياتك راضي واياك يا ابني تحكم علي حد وتعمل قاضي وخليك في حالك دايمان يا ابني يرتاح بالك وان جالك ياابني الشر اياك تدوكه طعمه مر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *