الرئيسية » أراء حرة » أنا مصر أم الدنيا … أنا أم المصريين شعر : سحر عفيفي عفيفي أحمد

أنا مصر أم الدنيا … أنا أم المصريين شعر : سحر عفيفي عفيفي أحمد

أنا مصر أم الدنيا … أنا أم المصريين
شعر : سحر عفيفي عفيفي أحمد
بيسألوني الناس إنتي تبقى مين
رديت وقلت أنا مصر أم المصريين
أنا شمس الحقيقة … أنا الضحكة البريئة
في عيون الطيبين
أنا الخطوة الجريئة … أنا النسمة الرقيقة
أنا الشعاع أنا الأمل لكل المبدعين
أنا التاريخ .. أنا الحضارة .. أنا الهرم
أنا النيل .. أنا التاريخ .. أنا الكرم
أنا الزمان .. أنا المكان .. أنا العلم
أنا مصر أم الدنيا .. أنا النغم
أنا نبض العروبة .. أنا البيت الكبير
أنا شمس المحبة .. أنا صوت الضمير
أنا الفجر الجديد
أنا نبض الوليد
أنا الضحكة أنا الفرحة
في يوم العيد
أنا الشهيد اللي بدمه رواني
أنا الفدائي اللي ضحى بعمره علشاني
أنا الشعب اللي بقوته قواني
أنا القلب اللي من حنانه ياما سقاني
أنا صرخة المظلومين
أنا ضد المعتدين
أنا مصر أم الدنيا … أنا أم المصريين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *